Таърихи Ташкилот

Равзанаи бонкии исломии ФҚХ «ИМОН» бо Қарори Шӯрои парасторони ФҚХ ИМОН аз 7 майи соли 2019 таъсис ёфта, санаи 15 июни соли 2019 ба қайди давлатӣ гирифта шудааст.

Дар асоси Иҷозатномаи Бонки миллии Тоҷикистон №0000118 аз 03 феврали соли 2020 Равзана барои анҷом додани фаъолияти бонкии исломӣ ҳуқуқ пайдо намуд.

Фаъолияти Равзана оид ба анҷомдиҳии маблағгузории исломӣ 13 апрели соли 2020 оғоз гардид.

Аввалин маҳсулоте, ки Равзана ба муштариён пешниҳод намуд, маблағгузорӣ бо тартиби МУРОБАҲА мебошад.

Маҳсулоти маблағгузории Муробаҳаи Манзил моҳи январи соли 2021 ҷорӣ гардид. Мақсади он қонеъ намудани талаботи аҳолӣ ба манзил тавассути аҳди савдои амвол мувофиқи принсипҳои маблағгузории исломӣ мебошад.

Моҳи декабри соли 2021 маҳсулоти нави маблағгузорӣ Иҷораи мунтаҳия битамлик ҷорӣ гардид. Тавассути он техника, таҷҳизот, нақлиёт ва амволи ғайриманқул ба иҷора дода мешавад. Бо ҷорӣ гардидани ин маҳсулоти нав, маҳсулоти Муробаҳаи Манзил қатъ карда шуд.

Моҳи декабри соли 2022 маҳсулоти нави маблағгузорӣ САЛАМ ҷорӣ гардид. Ин тартиби маблағгузорӣ имкон медиҳад, ки деҳқонон дар мавсими кишту кор маблағҳои заруриро ба даст оварда, баъди рӯёниши ҳосил моли аҳдшударо ба Равзана супоранд.

Ҷалби сармоя.

Аввалин сармояи хориҷӣ барои маблағгузории исломӣ қабул гардид. Санаи 7 июли соли 2023 байни Равзана ва Маркази татбиқи лоиҳаҳои Вазорати молияи Ҷумҳурии Тоҷикистон Шартномаи Вакала оиди хати маблағгузории исломӣ имзо гардид. Маблағҳои лоиҳавӣ бо шартҳои имтиёзнок барои беҳтарсозии дастрасӣ ба об ва рушди кишоварзӣ дар вилояти Хатлон истифода бурда мешаванд.

Таъсиси Маркази хизматрасонӣ.

Аввалин Маркази хизматрасонии Равзана дар ш.Бохтар таъсис дода шуд ва фаъолияти он 11 августи соли 2023 оғоз гардид. Тавассути Маркази хизматрасонӣ фаъолияти Равзана дар вилояти Хатлон васеъ мегардад.